Мулоқоти Оқил Оқилов бо ҳайати кории Бонки ҷаҳонӣ
Душанбе, 29 март. (АМИТ «Ховар», Дилшодаи Хайруллоҳ).- Имрӯз Сарвазири Ҷумҳурии Тоҷикистон Оқил Оқилов бо ҳайати кории Бонки ҷаҳонӣ мулоқот кард. Дар мулоқот масоили марбут ба ҳамкориҳои Тоҷикистон ва Бонки ҷаҳонӣ дар бахши татбиқи лоиҳаҳои энергетикӣ, кам кардани талафоти нерӯи барқ ва тақвияти корҳои таҳкими соҳил мавриди баррасӣ қарор дода шуд.Тавре ки таъкид гардид, ду даҳсола боз Тоҷикистон ва Бонки ҷаҳонӣ дар соҳаи энергетика ҳамкорӣ дошта, дар айни замон нӯҳ лоиҳаи муштарак ба маблағи беш аз 160 миллион доллар мавриди татбиқ қарор дорад.Аз ҷониби ҳайати Бонки ҷаҳонӣ ба талошҳои ҷониби Тоҷикистон дар роҳи татбиқи лоиҳаҳои гидроэнергетикӣ ва бартарафсозии мушкилоти камбудии барқ баҳои баланд дода шуда, омодагию ҳавасмандии онҳо барои ҳамкорӣ ва идомаи дастгирии пайвастаи рушди бонизоми иқтисодиёти Тоҷикистон баён гардид.Дар навбати худ Оқил Оқилов аз роҳбарият ва коршиносони Бонки ҷаҳонӣ даъват намуд, ки дастгирии ҳамешагии молиявию техникии соҳаҳои иқтисодию иҷтимоии Тоҷикистонро таҳким бахшида, барои ҳалли мушкилоти марбут ба соҳаи энергетика ва корҳои соҳилмустаҳкамкунӣ талошҳои хешро бо ҷониби Тоҷикистон ҳамоҳанг созанд. Дар мулоқот ҷанбаҳои дигари ҳамкориҳои Тоҷикистон ва Бонки ҷаҳонӣ низ мавриди баррасӣ қарор гирифтанд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
