Мусобиқаҳои наврӯзӣ дар минтақаи Кӯлоб

Кӯлоб, 24 март. (АМИТ «Ховар», С. Холов).-Дар доираи тадбирҳои ҷашнӣ бахшида ба иди байналмилалии Наврӯз дар ноҳияи Мӯъминобод бо ибтикори бахши ҷавонон, варзиш ва сайёҳии ноҳия чорабиниҳои фарҳангию варзишӣ доир мегарданд. Мақсади ин чорабиниҳо дастгирии истеъдодҳои ҷавон, эҳтироми суннату арзишҳои неки фарҳанги миллӣ ва тарғиби тарзи ҳаёти солим мебошад. Бояд гуфт, ки дар шаҳру навоҳии Кӯлоб чорабиниҳои варзишӣ идома ёфта, дар минтақа моҳе ду маротиба байни варзишгарон мусобиқаҳои ноҳиявӣ баргузор мегарданд. Барои ҳавасмандгардонии ҷавонон ба варзиш мақомоти иҷроияи ҳокимиятҳои давлатии ноҳияҳо қарори махсус ба тавсиб расонидаанд ва раисони ҷамоатҳо вазифадор гардидаанд, ки ба варзишгарони лаёқатманд мукофотҳои пулию молӣ тақдим намоянд.