Мусодираи 3 килограмму 15 грамм ҳашиш
Душанбе, 6 март. (АМИТ «Ховар», Назрулло Асозода).- 3 марти соли 2012 ҳангоми гузаронидани чораҳои фаврию ҷустуҷӯӣ шаҳрванд Додарбеков Д. (соли таваллудаш 1988, сокини ноҳияи Қумсангири вилояти Хатлон, ҷамоати деҳоти Панҷ, бекор) дастгир карда шуд. Ҳангоми кофтукови шахсӣ аз ӯ 1 адад селофан, ки дар дохилаш мувофиқи маълумотномаи шӯъбаи тафтишоту кофтуковии Раёсати корҳои дохилӣ аз 3 март, 3 килограму 15 грамм маводи нашъадори ҳашиш дошт, дарёфт ва мусодира карда шуд. Дар ин бора ба «Ховар» котиби матбуотии Вазорати корҳои дохилӣ Маҳмадулло Асадуллоев хабар дод.