Наврӯзи донишҷӯён

Суғд, 20 март. (АМИТ «Ховар», Самад Юсуфӣ).-Бахшида ба иди Наврӯз дар Донишгоҳи давлатии Хуҷанд ба номи академик Б.Ғафуров озмуни наврӯзӣ байни донишҷӯёни соли аввал баргузор гардид. Дар озмун 3 дастаи донишҷӯён: «Тулӯи хуршед», «Ёсуман» ва «Шабнам» аз рӯи шартҳои муайяншуда қувваозмоӣ намуданд. Дар натиҷа гурӯҳи «Шабнам» 53-хол, гурӯҳи «Ёсуман» 50 хол ва гурӯхи «Тулӯи хуршед» 48 холро соҳиб шуданд. Дар интиҳо муаллимаи собиқадори факулта Марҳамат Хайбуллоева ҳамаи иштирокчиёнро табрик намуда, ба ғолибон тӯҳфаҳои хотиравӣ супорид.