Ҳисоботи телефонии як қатор раисони шаҳру ноҳияҳо ба Сарвари давлат
Душанбе, 7 апрел. (АМИТ «Ховар»). — Дирӯз ба Президенти кишвар Эмомалӣ Раҳмон раисони шаҳру ноҳияҳои Мастчоҳ, Ашт, Бобоҷон Ғафуров, Спитамен, Ғончӣ, Зафаробод, Истаравшан, Шаҳристон ва Панҷакент телефонӣ ҳисобот доданд. Таваҷҷӯҳи асосӣ ба тезонидани киштукори баҳорӣ, васеъ намудани майдони боғу токзор ва омодагӣ ба пешгирӣ аз офатҳои табиӣ зоҳир гардид. Сарвари давлат Эмомалӣ Раҳмон ба роҳбарони шаҳру ноҳияҳои мазкур доир ба расонидани кӯмак ба деҳқонону боғпарварон, аз ҷумла, таъмини онҳо бо техникаи кишоварзӣ, тухмиҳои хушсифат ва нӯриҳои минералӣ супоришҳои мушаххас дода, таъкид намуд, ки барои пурсамар истифода бурдани ҳар ваҷаб замини корам тадбирҳои саривақтӣ андешанд. Ҳамчунин таъкид гардид, ки кори ситодҳои доимамалкунандаи ҳолатҳои фавқулодда таҳти назорати ҳамешагӣ қарор дошта бошанд, то ки дар ҳолатҳои зарурӣ ба бартарафсозии оқибатҳои офатҳои табиӣ фавран сафарбар шаванд.Дар ин бора ба АМИТ «Ховар» аз Хадамоти матбуоти Сарвари давлат иттилоъ доданд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
