Гӯштии тарзи озод ва фарангӣ: мубориза барои роҳхати олимпӣ

Душанбе, 19 апрел. ( АМИТ «Ховар», Аловиддин Бӯриев).- Дар шаҳри Тайюани Чин аз 25-ум то 29 апрели соли равон мусобиқаи навбатии гӯштигирони тарзи озод ва фарангӣ барои ноил шудан ба роҳхати олимпӣ баргузор мешавад. Нӯҳ нафар паҳлавони тоҷикистонӣ: Вайсиддин Ибодов (55 кг). Фарҳоди Усмонзода (60) Сомиршо Воҳидов(66 ), Манучеҳр Маллаев(74), Салим Хоҷаев(84), Фарҳод Анақулов(120) аз гӯштии тарзи озод ва Манучеҳр Алаев(84), Ҳабибулло Абдуллоев(96 ) ва Муродҷон Тӯйчиев(120) аз гӯштии фарангӣ(юнону румӣ) дар он ширкат меварзанд. Марҳилаи дуввуми рақобат барои роҳхатҳои олимпӣ аз 2-юм то 6 май дар Вантааи Финландия доир хоҳад шуд. Ёдрас мешавем, ки Искандари Рустам алҳол ягона паҳлавонест, ки барои кишвари мо як роҳхати олимпиро дар гӯштии тарзи озод ба даст овардааст.(81 кг).