Иштироки аҳолӣ дар сохтмони манзили истиқоматӣ

Душанбе, 27 апрел.(АМИТ «Ховар», Лаззат Диловарзод).- Тибқи маълумоти Агентии омори назди Президенти ҶТ, дар моҳҳои январ-марти соли ҷорӣ барои инкишофи соҳаи иҷтимоӣ 306,1 млн.сомонӣ равона карда шудааст, ки 48,3 фоизи ҳаҷми умумии сармоягузории ҷумҳуриро ташкил медиҳад. Ба иттилои манбаъ, дар ин давра дар масоҳати умумии 80,3 ҳазор метри мураббаъ хонаҳои истиқоматӣ сохта ба истифода дода шудааст, ки нисбат ба ҳамин давраи соли 2011 93,6 фоизро ташкил медиҳад.Дар моҳҳои январ-марти соли 2012 дар вилояти Суғд 21,2 ҳазор метрии мураббаъ ё 26,4 фоиз, дар вилояти Хатлон — 49,2 ҳазор метри мураббаъ ё 61,3 фоиз, дар ноҳияҳои тобеи ҷумҳурӣ -1,1 ва дар шаҳр Душанбе 8,8 ҳазор метри мураббаъ ё 10,9 фоиз биноҳои истиқоматӣ сохта ба баҳрабардорӣ супурда шудаанд. Биноҳои истиқоматиро дар ҷумҳурӣ асосан бахши ғайридавлатӣ ва ҳиссаи бештари онҳоро аҳолӣ месозанд. Онҳо дар семоҳаи якуми соли 2012 ба андозаи 73 ҳазор метри мураббаъ ё 90,9 фоизи ҳаҷми умумии хонаҳои истиқоматиро сохтаанд.