Кӯҳ канда шуд

Хоруғ, 24 апрел. (АМИТ «Ховар», Л.Додо ). – Боришоти барфу борон дар Бадахшон нисбатан кам шуда бошад ҳам, ҳанӯз хисоротро ба бор меорад. Субҳи 22 апрел дар болои деҳаи Кулеви ҷамоати деҳоти Тавдеми ноҳияи Роштқалъа порчаи кӯҳи азиме канда шуда, тарафи деҳа лағжид.Тавре навбатдори Ситоди ҳолатҳои фавқулоддаи ВМКБ Алишо Сулаймонов иттилоъ дод, бар асари ин ҳодиса хонаи истиқоматии сокини деҳаи зикршуда Амрихудо Сафармаҳмадов зарар дида, масофаи баробари 150 метри канали «Назаршо» тамоман валангор гардид.