Рӯзи илм таҷлил шуд

Душанбе, 18 апрел. (АМИТ «Ховар», Людмила Дубинина). – 16 апрел дар Академияи илмҳои ҶТ ба муносибати Рӯзи илми Тоҷикистон маҷлиси ботантана баргузор гардид. Дар ҷаласа президенти Академияи илмҳои ҶТ, академик Маҳмадшо Илолов сухани табрикӣ кард.Дар ҷараёни ин тадбир мукофотҳои ба номи С.Умаров дар соҳаи илмҳои техника, геология, маъданшиносӣ ва кишоварзӣ ба доктори илмҳои техникӣ Холмурод Назаров ва номзади илмҳои техникӣ Нӯъмодҷон Ҳакимов, номзади илмҳои геология ва маъданшиносӣ Абдураҳим Қориев, доктори илмҳои кишоварзӣ Давлатҷон Комилзода ва номзади илмҳои техникӣ Азимҷон Хушматов супурда шуданд.Доктори илмҳои биология, академик Ислом Абдусаломов бо мукофоти ба номи Е.Н.Павловский дар соҳаи биология қадр гардид. Доктори илмҳои филологӣ академик Хуршеда Отахонова дорандаи мукофоти ба номи М.Осимӣ дар соҳаи илмҳои ҷамъиятию гуманитарӣ гардид.Хотирнишон месозем, ки бо Қарори Ҳукумати Ҷумҳурии Тоҷикистон ҳар сол Рӯзи илм дар ҳафтаи дуюми моҳи апрел таҷлил мешавад.