Шоҳигарии Бутан аз ташаббусҳои Тоҷикистон пуштибонӣ мекунад
Душанбе, 25 апрел. (АМИТ «Ховар», Дилшодаи Хайруллоҳ). – Имрӯз Сарвазири Ҷумҳурии Тоҷикистон Оқил Оқилов фиристодаи махсуси Сарвазири Шоҳигарии Бутан Лёнпо Кинзанг Дорчиро ба ҳузур пазируфт. Лёнпо Кинзанг Дорчи номаи шодбошии Сарвазири Шоҳигарии Бутанро ба Сарвазири Ҷумҳурии Тоҷикистон Оқил Оқилов расонида, изҳор дошт, ки кишвараш хостори ба роҳ мондани муносибатҳои дипломатӣ ва иқтисодию тиҷоратӣ бо Ҷумҳурии Тоҷикистон мебошад . Тавре ки таъкид шуд, Шоҳигарии Бутан ба мисли Ҷумҳурии Тоҷикистон сарзамини кӯҳсор буда, захираҳои бойи гидроэнергетикӣ дорад ва рушди иқтисодии он асосан аз ҳисоби соҳаи кишоварзӣ ва туризми кӯҳӣ таъмин карда мешавад. Оқил Оқилов изҳор дошт, ки ҳар ду давлат бо назардошти имконоту захираҳои монанд метавонанд дар оянда дар соҳаҳои кишоварзӣ, туризм ва сохтмони иншооти гидроэнергетикӣ муносибатҳои хуби дуҷонибаро ба роҳ монда, аз таҷрибаи ҳамдигар баҳравар гарданд. Шоҳигарии Бутан аз ташаббусҳои сатҳи минтақавӣ ва ҷаҳонии Тоҷикистон вобаста ба масоили об ва идораи захираҳои обӣ ҳамеша пуштибонӣ менамояд ва ин ташаббусҳоро аз омилҳои муҳими ҳалли мушкилоти марбут ба об дар саросари ҷаҳон медонад, таъкид кард фиристодаи махсуси Сарвазири Шоҳигарии Бутан. Дар мулоқот ҷонибҳо омодагию ҳавасмандии худро барои пуштибонии мавқеи ҳамдигар дар ҳалли масъалаҳои мубрами ҷаҳони имрӯза ва ба роҳ мондани муносибатҳои дуҷонибаю бисёрҷониба таъкид доштанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






