Тағйирот дар меъёри фоизи захираҳои ҳатмӣ

Душанбе, 16 апрел. (АМИТ «Ховар», Покиза Маҳмадбекова). — Раёсати Бонки миллии Тоҷикистон бо қарори худ меъёри фоизи захираҳои ҳатмиро барои пасандозҳо бо пули миллӣ ду банди фоизӣ ва бо асъори хориҷӣ як банди фоизӣ паст карда, мутаносибан дар сатҳи 5,0 фоиз ва 8,0 фоизи солона муқаррар намуд. Аз рӯи иттилоъи БМТ ин қарор бо мақсади таъмини пардохтпазирӣ дар низоми бонкӣ ва мӯътадил нигоҳ доштани ҳаҷми пул дар муомилот қабул шудааст. Вобаста ба ин тамоми муҳосибаҳои марбут ба захираҳои ҳатмӣ аз 1 апрели соли ҷорӣ тибқи қарори мазкур амалӣ мешаванд.