«Талоқи Нодира ва Симин» дар Осорхонаи З.Шаҳидӣ

Душанбе, 24 апрел. (АМИТ «Ховар», Людмила Дубинина). – Имрӯз, 24 апрел, дар Осорхонаи ҷумҳуриявии фарҳанги мусиқии ба номи Зиёдулло Шаҳидӣ нахустнамоиши филми эронии «Талоқи Нодира ва Симин» баргузор мешавад. Ин филм дар бахши «Филми беҳтарини хориҷӣ» сазовори мукофоти «Оскар» гаштааст. Филмро коргардони эронӣ Асғар Фарҳодӣ ба навор гирифта, дар он аз ҳаёти зану шавҳаре нақл карда мешавад, ки мураккабиҳои қонуни диндорӣ дар Эронро дарк карданӣ мешаванд. Филми мазкур соли гузашта бори нахуст дар Кинофестивали байналмилалии «Берлинал» дар шаҳри Берлини Олмон намоиш дода шуда буд.Дар ин бора директори осорхона Мунира Шаҳидӣ ба АМИТ «Ховар» хабар дод.