Ёрии пойгоҳи низомиёни дивизияи «201» дар ҳодисаҳои фавқулодда

Душанбе, 2 апрел. (АМИТ «Ховар», Лаззат Диловарзод).- Дар машварати махсусе, ки бо иштироки фармондеҳи низомии пойгоҳи низомии дивизияи 201»- уми Русия Сергей Рюмшин доир гардидааст, гуфта мешавад, ки низомиён дар ҳамдастӣ бо намояндагони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ва дигар мақомоти дахлдори кишвар зимни рух додани ҳолатҳои фавқулодда чораҳои пешгириву огоҳкунӣ рӯи кор оварда ва барои бартараф сохтани оқибатҳои офати табиӣ кӯмак хоҳанд кард.Бо ин мақсад дар шаҳраки низомии Кӯлоб гурӯҳи махсус оид ба пешгирӣ ва бартараф намудни оқибатҳои обхезӣ таъсис дода шудааст. Ҳайати гурӯҳ аз воҳидҳои муҳандисӣ ва хизматчиёни ҳарбӣ иборат буда, бо техника ва таҷҳизоти зарурӣ таъмин аст,- иттилоъ доданд аз Кумитаи ҳолатҳои фавқулодда ва мудофиаи граждании минтақаи Кӯлоб ба мухбири АМИТ «Ховар».