Ҳаракати нақлиёт дар бархе хатсайрҳо тағйир меёбад
Душанбе, 4 май. (АМИТ «Ховар», Марзия Саидова).- Шурӯъ аз 5 майи соли равон корҳои сохтмонии гузаргоҳи зеризаминӣ дар кӯчаи Неъмат Қарабоеви пойтахт оғоз мегардад. Дар робита ба ин раиси шаҳри Душанбе Маҳмадсаид Убайдуллоев дар бораи чораҳои таъмини бехатарии ҳаракати нақлиёт дар кӯчаи Н.Қарабоев (аз бурриши кӯчаи Ҷомӣ то бурриши кӯчаҳои Қосимов ва Ҷанубӣ) ва кӯчаи Фирдавсӣ (аз бурриши кӯчаи Қосимов то роҳи соҳилии дарёи Душанбе) қарори марбута қабул намуд. Дар асоси ин қарор бо сабаби гузаронидани корҳои сохтмонӣ вобаста ба бунёди гузаргоҳи зеризаминӣ дар кӯчаи Неъмат Қарабоев аз 5 май то 27 августи соли 2012 ҳаракати ҳама гуна воситаҳои нақлиёт манъ карда мешавад. Дар робита ба ин Муассисаи давлатии коммуналии «Душанбенақлиётхадамотрасон» (Шералиев А.Б.), шӯъбаи Бозрасии давлатии автомобилии Раёсати корҳои дохилии шаҳри Душанбе (Тӯрахонов С.Ч.) ва Раёсати хадамоти давлатии назорат ва танзим дар соҳаи нақлиёти шаҳри Душанбе (Каримов Ф.А.) вазифадор гардидаанд, ки самти ҳаракати нақлиёти мусофирбарро тавассути кӯчаҳои Ҷанубӣ, Қосимов, Ҷомӣ ва роҳи соҳили дарёи Душанбе муайян намуда, дар нақшаҳои хатсайри воситаҳои нақлиёти мусофирбар тағйирот ворид намоянд. Тибқи иттилои Зиёратшо Хушов, муовини сардори шӯъбаи бозрасии давлатии автомобилии Раёсати корҳои дохилии шаҳри Душанбе ронандагони воситаҳои нақлиёт имкон доранд тавассути кӯчаи Соҳилӣ, Маркази савдои «Мардон», чорроҳаи Борбад- Ҷомӣ ва Борбад –Фирдавсӣ, баъдан «Саховат» ҳаракат намоянд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






