Бозиҳои даври 7-уми футбол дар Лигаи олӣ

Душанбе,21 май. ( АМИТ «Ховар», Аловиддин Бӯриев).- Дар дидорҳои даври 7-уми чемпионати мамлакат, ки рӯзҳои истироҳат барпо гардиданд, чор бозӣ ба нафъи мизбонон, як бозии дигар ба фоидаи меҳмонон ва як дидор мусовӣ ҷамъбаст шуд. «Энергетик» «Ҳосилот»-ро бо ҳисоби 4 бар 0, (Габриэл Донто, 55 , Самад Шоҳзуҳуров, 69 , Габриэл Донто, 75, Шодибек Ғаффоров, 90), «Регар-ТадАЗ» «Хуҷанд» -ро бо натиҷаи 2 бар 0 ( Комил Саидов, 41, Баҳодур Шарипов, 55, пеналтӣ), «Парвоз» «Хайр» — ро 5:2 (Асадулло Бобоҷонов, 28 , Мансур Ҳакимов, 34 , Мирзобек Мирзоев, 35 , Мансур Ҳакимов, 51 , Мирзобек Мирзоев, 76 , Мансур Ҳакимов, 85 ,Манучеҳр Ҳасанов, 89,«Вахш» «Зарафшон» -ро бо ҳисоби 4 бар 0 (Тоҳир Зоиров, 8 ,. Бахтиёр Қаландаров, 11 , Тоҷиддин Абдураҳмонов, 76 , Комрони Мирзохон, 83) ба шикаст рӯ ба рӯ карданд. Танҳо «Равшан» «Гвардия» -ро маҷбур кард, ки дар майдони худ бо ҳисоби калони 0 бар 4 таслим шавад. Голҳоро Нӯъмон Ҳакимов(9), Бахтиёр Ҳасанов, (11), Ҳасан Рустамов,(25) ва Фаррухи Ҷӯрахон,(90) ба нишон расониданд. ССКА «Помир» дар ҳузури президенти ФФТ Рустами Эмомалӣ қариб бозиро ба «Истаравшан» бохта буд, вале ба голи задаи Илҳом Баротов дар дақиқаи 64-ум Далер Раҷабов дар вақти иловашудаи бозӣ (90+3) ҷавоб дода, бозиро мусовӣ кард. Ҳамин тавр, баъди даври 7-ум ҳамоно «Равшан (18) ва «Регар- ТадАЗ» (16) дар зинаҳои авваланд. Дар ҷои севвум «Вахш» қарор дорад.