«Europian Times» — муаррифгари фазои сармоягузории Тоҷикистон

Душанбе, 31 май. (АМИТ «Ховар», Бекназари Абӯбакр). — Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Давлаталӣ Саидов бо хабарнигорони маҷаллаи «Europian Times» (Иттиҳоди Аврупо) мусоҳиба намуд.Д. Саидов ба саволҳои хабарнигорон доир ба вазъ ва сиёсати имрӯзаи Ҳукумати Ҷумҳурии Тоҷикистон, фазои сармоягузории кишвар, ҷалби ҳарчи бештари сармояи мустақим, инчунин татбиқи барномаҳои дастгирии давлатии соҳибкорӣ ва идораи самараноки моликияти давлатӣ посух дода, маълумоти мухтассар доир ба фаъолияти Кумита пешниҳод кард.Аз ҷумла, раиси Кумита зикр кард, ки дар Тоҷикистон дар айни замон фазои мусоиди сармоягузориву соҳибкорӣ муҳайё гаштааст, вале мо бо ин дастовардҳо маҳдуд намешавем, балки барои татбиқи ислоҳоти нав ҷиҳати боз ҳам беҳтар намудани пешбурди фаъолияти соҳибкориву сармоягузорӣ дар ҷумҳурӣ талош меварзем. Дар навбати худ, хабарнигорони маҷаллаи «Europian Times» иброз доштанд, ки мақсади асосии сафари онҳо ба Тоҷикистон аз ошно намудани Ҷумҳурии Тоҷикистон ба хонандагон ва доираи васеи соҳибкорону сармоягузорони аврупоӣ ибрат аст, зеро ки онҳо доир ба Тоҷикистон маълумоти дақиқ ва кофиро надоранд.