Филиали минтақавии «Тоҷиксодиротбонк» дар Кӯлоб
Душанбе, 14 май. (АМИТ «Ховар», Покиза Маҳмадбекова). — Имрӯз баъд аз таъмири куллӣ бинои филиали минтақавии «Тоҷиксодиротбонк» дар шаҳри Кӯлоб аз нав мавриди истифода қарор дода шуд. Ба мухбири АМИТ «Ховар» аз хадамоти матбуоти бонк иттилоъ доданд, ки бино бо усули замонавӣ таъмиру таҷдид гардида, бо таҷҳизот ва мебелҳои муосир муҷҷаҳаз шуда, комилан ба талаботи муосири хизматрасонии бонкӣ ҷавобгӯй мебошад. Ба иттилои манбаъ, дар маросими танатанавии ифтитоҳи бино, ки бо иштироки кормандон ва мизоҷони филиал ва доираи васеи меҳмонон доир гардид, раиси шаҳри Кӯлоб Абдуғаффор Раҳмонов, муовини раиси Бонки миллии Тоҷикистон Абдукарим Неъматов ва раиси «Тоҷиксодиротбонк» Тоҷидин Пиров сухан гуфта, таъкид сохтанд, ки ободкориҳои роҳбарияти Бонк дар партави таваҷҷӯҳ ва дастгириҳои пайвастаи иқдоми ободкоронаи Сарвари давлат сурат мегиранд. Ҳамчунин зикр гардид, ки фароҳам овардани шароит барои кормандон ва мизоҷони Бонк имкон медиҳад, ки сатҳ ва сифати хизматрасониҳо баланд шавад.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
