Кӯмаки «Тоҷиксодиротбонк» ба иштирокчиёни ҶБВ
Душанбе, 8 май. (АМИТ «Ховар», Покиза Маҳмадбекова). – Ба муносибати фарорасии 9 май – Рӯзи Ғалаба, ки рамзи пирӯзии сулҳ бар ҷанг, рӯшноӣ бар торикӣ ва хайр бар шарр аст, ҶСК «Тоҷиксодиротбонк» ба 55 нафар иштирокчии Ҷанги Бузурги Ватанӣ ва нафарони ба онҳо баробаргардидаи ноҳияи Исмоили Сомонии шаҳри Душанбе дар ҳаҷми қариб 10 ҳазор сомонӣ кӯмаки моддӣ расонид. Ба мухбири АМИТ «Ховар» аз бонки мазкур иттилоъ доданд, ки кормандони бонк кулли собиқадорони ҷангу ақибгоҳ ва тамоми ҳамватанони азизро бо Рӯзи Ғалаба муборакбод намуда, ба ҳар хонадон сулҳу осоиш ва баракату хушбахтиро таманно доранд. Бояд гуфт, ки ҳар сол ба ифтихори таҷлили Рӯзи Ғалаба ба ҳамаи иштирокчиёну маъюбони Ҷанги Бузурги Ватании солҳои 1941 – 45 аз тарафи вазорату идораҳои ҷумҳурӣ, инчунин аз тарафи ҳукумати ҷумҳурӣ кӯмаки пулию молӣ расонида мешавад.