Маблағгузорӣ ба бахши кишоварзӣ зиёд мегардад

Душанбе, 14 май. (АМИТ «Ховар», Лаззат Диловарзод).- Фермерони ҷумҳурӣ аз соҳаи қарздиҳии бонкҳои тиҷоратӣ қаноатманд нестанд. Ба ақидаи фермерони ҷумҳурӣ, фоизи пешниҳоднамудаи бонкҳои тиҷоратӣ метавонад дар наздиктарин давра онҳоро муфлис кунад.Ҳукумати ҷумҳурӣ дар паи таъсис додани як бонки сармоягузориест, ки он танҳо бахши кишоварзии ҷумҳуриро бо маблағҳои қарзии бо фоизи ба фермерон мувофиқ роҳандозӣ намояд.Дар айни замон, дар бахши кишоварзии ҷумҳурӣ ислоҳот идома дошта, Ҳукумати ҷумҳурӣ дар ҳамдастӣ бо USAID-Агентии рушди байналмилалии ИМА баҳри афзоиши маҳсулоти кишоварзӣ дар дохили кишвар ва таъмини аҳолӣ бо маҳсулоти худӣ ҷораҳои зарурӣ меандешад. Бояд ёдовар шуд, ки ҳафтаи сипаришуда дар шаҳри Душанбе ҳангоми муаррифии барномаи USAID, ки зери унвони «Озуқа ба хотири оянда» баргузор гардид, муовини сарвазир Муродалӣ Алимардонов гуфта буд: «Роҳи ягонаи рушди кишоварзӣ дар маблағгузории соҳа ва ба фермерон бо фоизи ба онҳо мувофиқ додани қарзҳои яксола ва бисёрсола мебошад».