Моддаҳои 135 ва 136-ро аз Кодекси ҷиноӣ хориҷ карданд
Душанбе, 31 май.(АМИТ «Ховар», Марзия Саидова).- Моддаҳои 135 ва 136, ки марбут ба тўҳмату таҳқир аст, аз Кодекси ҷиноятии Ҷумҳурии Тоҷикистон 31 май зимни баргузории ҷаласаи навбатии Маҷлиси намояндагон аз сўи вакилони палатаи поёнии парлумони кишвар хориҷ карда шуданд. Маҳмадалӣ Ватанов, раиси кумитаи Маҷлиси намояндагон доир ба қонунгузорӣ ва ҳуқуқи инсон дар ҷаласа гуфт, ки хориҷ намудани ду модда аз Кодекси ҷиноии кишвар, пешниҳоди Президенти мамлакат Эмомалӣ Раҳмон аст, ки он дар остонаи таҷлили ҷашни 100-солагии матбуоти тоҷик — 10 марти соли равон зимни мулоқот бо намояндагони ВАО-и кишвар ироа гардида буд. М. Ватанов афзуд, ки вақтҳои охир дар атрофи ин ду моддаи Кодекси ҷиноятии Ҷумҳурии Тоҷикистон баҳсҳои доманадор зиёд буданд. Хусусан намояндагони ҷомеаи шаҳрвандӣ атрофи ин моддаҳо ибрози назар намуда, пешниҳод мекарданд, ки ин моддаҳо аз Кодекси ҷиноятии кишвар хориҷ карда шаванд, зеро онҳо озодии баёнро маҳдуд месозанд. Бо хориҷ намудани моддаҳои 135 ва 136 аз Кодекси ҷиноятии ҷумҳурӣ кафолати озодии баён дар Ҷумҳурии Тоҷикистон минбаъд таҳким ёфта, ҳар як шахс имкон дорад нисбат ба масъалаҳои доғи ҷомеа фикру ақидаи худро озодона баён намояд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
