Мусобиқаи ҷумҳуриявии варзиши амалии ҳарбӣ

Душанбе, 4 май. (АМИТ «Ховар», Дилшодаи Хайруллоҳ).-Кумитаи ҷавонон, варзиш ва сайёҳӣ бахшида ба 20-умин солгарди ба имзо расидани Аҳдномаи амнияти дастаҷамъӣ ва 10- солагии таъсиси Созмони Аҳдномаи амнияти дастаҷамъӣ аз 11 то 13 майи соли ҷорӣ дар Варзишгоҳи марказии шаҳри Душанбе миёни кормандони сохторҳои қудратии кишвар мусобиқаи кишварии варзиши амалии ҳарбиро доир менамояд. Дар чорабинӣ ширкати ҳайати дастаҳои Вазорати адлия, Вазорати корҳои дохилӣ, Вазорати мудофиа, Кумитаи давлатии амнияти миллӣ, Кумитаи ҳолатҳои фавқулодда, Агентии назорати маводи нашъаовар, Гвардияи миллӣ ва Сарраёсати қӯшунҳои сарҳадӣ дар назар аст.