Пули байни Ғозиён ва Хуҷанд барқарор шуд
Хуҷанд, 21май. (АМИТ «Ховар», Мирзалӣ Амонов).-Бо маблағгузории Вазорати нақлиёти ҷумҳурӣ ва маблағҳои мутамаркази давлатӣ пули сойи Хоҷабоқирғон, ки 5-уми августи соли 2010 ҳангоми омадани сел хароб шуда буд, аз нав барқарор гардид. Барои ин кор 690 ҳазор сомонӣ маблағ масраф гардид. Дарозии пул 36 метр буда, қисми барқароршуда 23,4 метрро ташкил медиҳад. Паҳноияш 7 метр ва иқтидораш 60 тонна аст. Пули сойи Хоҷабоқирғон ҷамоати деҳоти Ғозиёни ноҳияи Б.Ғафуровро бо маркази вилоят- шаҳри Хуҷанд мепайвандад.