Қонунҳои нав аз ҷониби аъзои ММ матраҳ гаштанд
Душанбе, 14 июн.(АМИТ «Ховар», Марзия Саидова).-Беш аз 50 масъала дар ҷаласаи Шўрои палатаи болоии парлумони Тоҷикистон, ки таҳти раёсати Маҳмадсаид Убайдуллоев, раиси Маҷлиси миллии Маҷлиси Олии Ҷумҳурии Тоҷикистон баргузор гардид, баррасӣ шуданд. Аъзои Шўрои Маҷлиси Миллӣ, аз ҷумла 7 қонуни навро, ки қаблан аз ҷониби Маҷлиси намояндагон баррасӣ ва қабул гардида буданд, матраҳ намуданд. Инҳо Қонунҳои Ҷумҳурии Тоҷикистон «Дар бораи ангишт», «Дар бораи амнияти нақлиётӣ», «Дар бораи мораторияи санҷишҳои фаъолияти субъектҳои соҳибкорӣ дар соҳаҳои истеҳсолӣ», «Дар бораи фаъолияти савдои хориҷӣ», «Дар бораи осорхонаҳо ва Фонди осорхонаҳо», «Дар бораи баҳисобгирии инфиродӣ дар низоми суғуртаи ҳатмии нафақавӣ, «Дар бораи криптография» мебошанд. Тибқи иттилои Шавкат Саидов, ёвари раиси Маҷлиси миллӣ дар ҷаласаи Шўро ҳамзамон маҷмўи масъалаҳои марбут ба сохти марзиву маъмурии Ҷумҳурии Тоҷикистон ва соири масъалаҳои вобаста ба рушди минбаъдаи бахшҳои иқтисодию иҷтимоӣ ва фарҳангии кишвар матраҳ гардиданд.