Ҳамкории Тоҷикистону Олмон дар бахши геология ва захираҳои табиӣ
Душанбе, 29 июн. (АМИТ «Ховар», Кристина Эрлих). – Дар ҷараёни сафари расмии Президенти ҶТ ба Ҷумҳурии Федератвии Олмон байни Сарраёсати геологияи назди Ҳукумати ҶТ ва Институти федералии геология ва захираҳои табии Ҷумҳурии Федератвии Олмон Созишнома дар бораи ҳамкории илмию техникӣ дар соҳаи геология ва захираҳои табиӣ имзо гардид. Намояндагони Институти федералии геология ва захираҳои табии Олмон дар асоси ин Созишнома ба Тоҷикистон ташриф оварда, бо кормандони Сарраёсати геологияи назди Ҳукумати ҶТ мулоқот анҷом доданд. Дар ин бора аз дафтари матбуоти Сарраёсати геологияи Тоҷикистон ба мухбири АМИТ «Ховар» хабар доданд.Дар ҷараёни сафар мутахассисони Олмон муаррифии лоиҳаҳо таҳти унвони «Захираҳои минералӣ барои тараққиёт» баргузор гардид. Лоиҳаҳоро роҳбари гурӯҳи Осиё ва кишварҳои соҳилҳои Уқёнус доктор Арне Ҳоффман Роте, роҳбари гурӯҳи марбут ба Тоҷикистон доктор Гурден Франкен, муҳандис — муҳаққиқ ва ҳамоҳангсози лоиҳа доктор Ганс Гунтер муаррифӣ намуданд.Дар маросими муаррифӣ намояндагони вазоратҳои корҳои хориҷӣ, рушди иқтисод ва савдо, энергетика ва саноати ҶТ, Кумитаи ҳифзи муҳити зист, роҳбарони гурӯҳҳои тадқиқотии Сарраёсати геология, олимони Академияи илмҳои Тоҷикистон ва ташкилотҳои дигар ширкат доштанд.Мувофиқи суханони намояндагони Институти федералии геология ва захираҳои табии Олмон, барои татбиқи лоиҳаи мазкур ҷониби Олмон то моҳи июни соли 2014 то 1 миллиону 500 ҳазор евро ҷудо карданист.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






