Ҷопон каналҳои Ванҷро барқарор кард
Душанбе, 18 июн. (АМИТ «Ховар», Дилшодаи Хайруллоҳ).- Лоиҳаи барқарорсозии ҳафт канали обёрӣ дар ноҳияи Ванҷ, ки аз ҷониби Ҳукумати Ҷопон дар чаҳорчӯбаи кӯмакҳои бебозгашти лоиҳаҳои амнияти башарӣ барои бахши аъзами аҳолӣ дастгирӣ ёфта, аз ҷониби Созмони кӯмаки башарии ФОКУС бо ҳамкории Ҳукумат ва ҷамъиятҳои маҳаллӣ амалӣ гардида шуд, бомуваффақ ба итмом расид. 23 июни соли 2012 маросими анҷомёбии “Лоиҳаи барқарорсозии каналҳои обёрӣ дар ноҳияи Ванҷ” баргузор мегардад, ки дар он Хиройуки Имаҳаши, Сафири Ҷопон дар Ҷумҳурии Тоҷикистон ва Нашир Кармали, намояндаи дафтари ФОКУС дар Ҷумҳурии Тоҷикистон ширкат меварзанд. Грант ба маблағи умумии 105,186 доллари ИМА барои ин лоиҳа моҳи марти соли 2011 ҷудо шуда буд. Моҳи январи соли 2010, заминларзаи шадиди 5,3 балл, нисфи каналҳои обёриеро, ки солҳои 1920-ум сохта шуда буданд ба ҳолати корношоям ва нобудӣ расонид. Ин каналҳо аз ҷониби мардуми маҳаллӣ доимо таъмиру нигаҳдорӣ мешуданд. Аз сабаби лойиқашавии каналҳо ва бо сангреза пур гаштани онҳо каналҳо пурра истифода нагашта, ҳосилнокии заминҳои ҳоҷагии мардуми ин мавзеъ ба таъсири манфӣ дучор мегашт. Тавассути лоиҳаи мазкур каналҳои обёрӣ, ки дарозии умумияшон 3.320 м мебошад, бо истифода аз усули нави соҳилмустаҳкамкунӣ дар ноҳияи Ванҷ тармим ёфтанд. Умед аст, ки таъмини об тавассути каналҳои обёрӣ ба баландшавии ҳосилнокии маҳсулоти ҳоҷагии қишлоқи ин минтақа мусоидат менамояд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






