88 нафар занон сарвари макотибанд
Хоруғ, 11 июн. (АМИТ «Ховар», Л.Додо ). – Бо мақсади иҷрои қарори Ҳукумати Ҷумҳурии Тоҷикистон «Дар бораи тасдиқи стратегияи миллии фаъолгардонии нақши занон барои солҳои 2011 – 2020» дар ВМКБ корҳои назаррас иҷро шудаанд.Тавре ки мудири шӯъбаи кор бо занон ва оилаи вилоят ба хабарнигори АМИТ «Ховар» иттилоъ дод, дар ин муддат дар вилоят чорабиниҳои гуногуни фарҳангӣ аз қабили озмунҳои «Соҳибҷамолони сол», «Катбонуи сол» ва маҳфилҳои эҷодии шоираҳои ҷавон доир гардиданд.Имрӯз беш аз 1000 нафар занони вилоят ба корҳои доимӣ ва 213 нафари онҳо ба корҳои имтиёзнок ҷалб шуда, 150 нафар духтарон шомили донишгоҳҳо гардидаанд. Теъдоди занони роҳбарикунанда афзуда, 88 нафари онҳо сарварони макотиб мебошанд.