«Баҳори донишҷӯёни ИДМ дар Кавказ»
Душанбе, 12 июн. (АМИТ «Ховар», Дилшодаи Хайруллоҳ).- Тибқи нақшаи кори Шӯрои кор бо ҷавонони ИДМ бо даъвати вазорати варзиш, туризм ва сиёсати ҷавонони Федератсияи Русия аз 15 то 20 июни соли равон дар кишвари Кабардина-Балқар баргузории Фестивали байналмилалӣ таҳти унвони «Баҳори донишҷӯёни ИДМ дар Кавказ» ба нақша гирифта шудааст. Ҷониби Тоҷикистонро дар чорабинӣ 10 нафар донишҷӯёни фаъол бо роҳбарии сардори раёсати ҷавонони Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон- Носир Бӯриев намояндагӣ карда, симои ҷавонон ва фарҳанги кишварро муаррифӣ хоҳанд кард.Дар ин бора ба мухбири АМИТ «Ховар» аз бахши иттилоотию таҳлилии Кумитаи ҷавонон, варзиш ва сайёҳӣ иттилоъ доданд.