Дар як рӯз зиёда аз 21 тонна шир
Ҳисор, 13 июн. (АМИТ «Ховар», Ҳотам Рабиев).- Чорводорони ноҳияи Ҳисор ҳар рӯз ба комбинати шири шаҳри Душанбе 21 тоннаю 404 килограмм шир мефурӯшанд,- иброз дошт сардори раёсати кишоварзии ноҳияи Ҳисор Абдусалом Ҳамдамов. Дар як рӯз аз ҳар сар модагов аз 14 то 19 килограмм шир дӯшида мешавад.Алҳол чорводорон ба маъракаи ҷамъоварии хӯроки чорво диққати ҷиддӣ медиҳанд. Онҳо то имрӯз зиёда аз 400 тонна хӯроки чорво захира кардаанд, ки 180 тоннаи онро алафи табиӣ ташкил медиҳад.