Дарёфти маводи нашъадор аз мошин

Душанбе, 13 июн. (АМИТ «Ховар», Мавҷуда Анварӣ). — Дирӯз аз ҷониби кормандони мақомоти корҳои дохилӣ дар ноҳияи Шоҳмансур Обидов Сайҳумроҳ Саидғуфронович, соли таваллудаш 1965, сокини ноҳияи Бохтар бо гумони нашъаҷаллобӣ дастгир шуд.Тавре ки сомонаи расмии ВКД mvd.tj хабар медиҳад, ҳангоми тафтиши мошини ВАЗ-2107, рақами давлатиаш 01-54 РТ 01, ки ба номбурда тааллуқ дорад, 1 килою 762 грамм маводи нашъадори навъи ҳашиш ва 10 килою 694 грамм маводи нашъадори афюн дарёфт ва мусодира шудааст. Аз рӯи ин ҳодиса парвандаи ҷиноӣ оғоз гардида, он мавриди тафтиш қарор дорад.Ёдовар мешавем, ки тайи ҳафтаи охир аз ҷониби кормандони мақомоти ҳифзи ҳуқуқи кишвар қариб 400 кг маводи нашъадор ёфт ва мусодира шудааст.