Густариши ҳамкориҳои илмию истеҳсолӣ
Душанбе, 8 июн. (АМИТ «Ховар», Дилшодаи Хайруллоҳ).- Имрӯз дар Вазорати энергетика ва саноати Ҷумҳурии Тоҷикистон дар ҳамкорӣ бо филиали Донишгоҳи миллии тадқиқоти технологии Маскав (МИСиС) дар шаҳри Душанбе семинари намояндагони корхонаҳои саноатии Тоҷикистон бо ширкати олимони шинохтаи Донишгоҳи миллии тадқиқоти технологии шаҳри Маскав (УМТТ«МИСиС») дар мавзӯи «Инноватсия ва баланд бардоштани самаранокии истеҳсолоти маъданҳои кӯҳӣ ва саноати металлургӣ» баргузор мегардад.Бояд тазаккур дод, ки фаъолияти УМТТ«МИСиС» ба ҳамкориҳои фаъол дар ҳамбастагӣ ва мувофиқгардонии корҳои илмию тадқиқотӣ ва барномаҳои таълимӣ бо масъалаҳои вобаста ба бахши ҳақиқии иқтисодиёт равона шудааст. УМТТ«МИСиС» ба фармоишгарон тибқи фармоиши онҳо роҳи ҳалли масъалаҳо ва технологияҳои тайёр пешниҳод менамояд, лоиҳаҳои маҷмӯавӣ ва барномавиро амалӣ мегардонад. Дар мулоқот роҳбарияти вазорат, намояндагони «МИСиС», роҳбарони корхонаву муассисаҳои соҳаи металлургии ҷумҳурӣ, устодону олимони соҳа иштирок менамоянд.Дар доираи барнома боздиди иштирокчиён аз КВД «Талко» ва Комбинати металлургии бунёдшаванда дар ноҳияи Ҳисор дар назар дошта шудааст.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
