Иқдоми роҳбарияти тарабхонаҳои пойтахт

Душанбе, 20 июн.(АМИТ «Ховар», Марзия Саидова).- Роҳбарияти чор тарабхонаи Душанбе – «Роҳат», «Якачинор», «Канд» ва қаҳвахонаи «Москва» тасмим гирифтаанд, ки барои баргузории тўйи арўсии 60 ҷуфт ҷавонони пойтахт дастархони тўёна ороянд. Дар ҳар як тарабхона барои 15 нафар ҷуфт арўсу домод ва шахсони наздики онҳо хони тўёна ороста мешавад. Бояд зикр кард, ки маросими ақди никоҳи 60 ҷуфт ҷавонони пойтахт, ки аз оилаҳои ниёзманданд бо ибтикори шаҳрдори Душанбе санаи 27 июн дар Рўзи Ваҳдати миллӣ дар бинои Муассисаи давлатии «Душанбе –Плаза» гузаронида шуда, ба ҳар як ҷуфт аз ҷониби шаҳрдорӣ ва сарпарастону эҳсонкорон тўҳфаҳо тақдим карда мешавад.