«Мудирияти мақомоти интихоботӣ»
Душанбе, 4 июн. (АМИТ «Ховар», Мавҷуда Анварӣ). — Аз 28 то 1 июни соли равон дар шаҳри Душанбе курси таълимӣ дар мавзӯи «Мудирияти мақомоти интихоботӣ» доир гардид. Ин машғулиятҳои омӯзишӣ бо ибтикори Комиссияи марказии интихобот ва раъйпурсии ҶТ (КМИР) ва Дафтари Созмони амнияти ҳамкории Аврупо (САҲА) дар Тоҷикистон барои аъзо ва кормандони КМИР ҶТ таҳия шудааст. Тавре ки котиби матбуотии КМИР ҶТ Раҳмоналӣ Шералиев ба АМИТ «Ховар» иттилоъ дод, Шермуҳаммад Шоҳиён, раиси КМИР ҶТ зимни суханронии худ изҳор намуд, ки ин машғулиятҳо дар доираи амалисозии тавсияҳои Дафтари ниҳодҳои демократӣ ва ҳуқуқи башари САҲА дар робита ба интихоботи парлумонии соли 2010 баргузор мешаванд. Комиссияи марказии интихобот ва раъйпурсии ҶТ дар маҳалҳо ба омӯзиш фаро гирифтани шахсонеро, ки ба маъракаҳои интихоботӣ ҷалб хоҳанд шуд, ба нақша гирифтааст. Барои ин аз тарафи Комиссия се номгӯй дастуруламал барои аъзои комиссияҳои ҳавзавию участкавӣ ва доир ба тартиби баррасии арзу шикоятҳо аз ҷониби комиссияҳои интихоботӣ таҳия шудааст. Ин тадбир барои сифатан беҳтар намудани кори комиссияҳои интихоботӣ ба таври амалӣ мусоидат хоҳад кард. Сафир Ивар Вики, роҳбари Дафтари САҲА дар Тоҷикистон аз ҳамкориҳо бо Комиссияи марказии интихобот ва раъйпурсӣ изҳори қаноатмандӣ намуда, омодагии хешро барои ҳамкориҳои минбаъда ҷиҳати такмили низоми интихоботӣ дар Тоҷикистон баён кард.
Имрӯз дар Тоҷикистон ҳавои тағйирёбандаи бебориш пешгӯӣ мешавад
СОЛИ МАЪРИФАТИ ҲУҚУҚӢ. Дар Хадамоти гумруки Тоҷикистон конференсияи ҷумҳуриявӣ доир шуд
Имрӯз дар ноҳияҳои водигии Тоҷикистон борони кӯтоҳмуддат меборад
Дар Ню-Йорк омодагӣ ба Конфронси байналмилалӣ оид ба ҳифзи пиряхҳо дар Душанбе баррасӣ шуд
Роҳҳои мошингарди шаҳри Кӯлоб таҷдиду навсозӣ мегарданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Ҳайати Донишгоҳи техникии Тоҷикистон дар конференсияи байналмилалӣ дар Самарқанд иштирок дорад
РӮЗИ ДОНОРӢ. «Тоҷикаэронавигатсия» дар ҳамкорӣ бо Маркази ҷумҳуриявии илмии хун чорабинӣ доир намуд
Соҳаҳои маорифу тандурустии шаҳри Турсунзода ба давраи тирамоҳу зимистони солҳои 2024-2025 омода мешаванд
Ҳунармандони тоҷик соҳиби дипломи Фестивали байналмилалии атлас ва адрас дар Марғелон гардиданд
Дар Душанбе масоили омодагӣ ба Конфронси тарафҳои Конвенсияи Созмони Милали Муттаҳид оид ба гуногунии биологӣ баррасӣ шуд
«КОНСТИТУТСИЯ-КАФИЛИ ҲИФЗИ ҲУҚУҚ ВА ОЗОДИҲОИ ИНСОН ВА ШАҲРВАНД». Таҳти чунин унвон дар Душанбе конфронси илмию амалӣ оғоз гардид
