Мукофот муборак!
Душанбе, 13 июн. (АМИТ «Ховар», Марҳабо Зунунова). – Наворбардори маъруфи синамо, суратгир, Корманди шоистаи фарҳанги Тоҷикистон Заур Рустамович Дахте ба ифтихори таҷлили Рӯзи Русия бо аввалин дипломи Маркази илму фарҳанги Русия воқеъ дар шаҳри Душанбе мукофотонида шуд.Диплом дар ҷараёни мизи мудаввар бахшида ба Рӯзи Русия дар мавзӯи «Русия — давлати муқаддаси мо, Русия кишвари маҳбуби мо» дар вазъияти ботантана ба Заур Дахте супурда шуд. Хотирнишон месозем, ки намоиши суратҳои Заур Дахте бо ибтикори Иттифоқи доғистониҳои Тоҷикистон ташкил карда шуда буд. Заур Дахтеи доғистонӣ, ки Тоҷикистон ватани дуюми ӯ гардидааст, 60 сол боз дар кишвари мо зиндагӣ ва кор мекунад. Бисёр асарҳои суратгири шинохта Заур Дахте дар намоишгоҳҳои кишварҳои Чин, Ҳиндустон, Ҷопон, Русия, Фаронса, Олмон, Қазоқистон, Озарбойҷон ва Беларус намоиш дода шудаанд.Қобили зикр аст, ки дар мизи мудаввар саҳми Ҳунарпешаи мардумии Тоҷикистон Майрам Исоева ба рушди муносибатҳои фарҳангӣ қайд гардида ва ӯ бо армуғони Сафорати Русия дар Тоҷикистон қадр карда шуд.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
