Мулоқоти сафири ҶТ бо муовини Вазири корҳои хориҷии Арабистони Саудӣ

Душанбе, 13 июн. (АМИТ «Ховар», Пайрав Назаров). – Сафири Ҷумҳурии Тоҷикистон дар Шоҳигарии Арабистони Саудӣ Абдулло Юлдошев бо муовини Вазири корҳои хориҷии Арабистони Саудӣ оид ба масъалаҳои муносибатҳои бисёрҷониба Амиртуркӣ бани Муҳаммад бани Сауд ал – Кабир мулоқот анҷом дод.Дипломатҳо аз рӯи масъалаҳои роҳандозии ибтикороти Шоҳи Арабистони Саудӣ ба манзури таъсис додани Форуми иқтисодӣ ва ҷаласаи вазирони корҳои хориҷи кишварҳои араб, давлатҳои Осиёи Марказӣ ва Озарбойҷон, доир намудани мулоқоти Шӯрои соҳибкорони Тоҷикистон ва Шоҳигарии Арабистони Саудӣ, ҳамчунин имконоти татбиқи якҷояи лоиҳаҳои иқтисодиёти Тоҷикистон табодули афкор намуданд.Абдулло Юлдошев изҳори боварӣ намуд, ки ҳалли масъалаҳои баррасишуда дар амри мусоидат ба рушду густариш бахшидани ҳамкории мутақобилан муфиди дуҷониба мақоми муҳим хоҳад дошт.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.