Мулоқоти вазирони ВКХ Тоҷикистон ва Эрон
Душанбе, 15 июн. (АМИТ «Ховар», Пайрав Назаров). – 14 июн дар шаҳри Кобул мулоқоти Вазири корҳои хориҷии ҶТ Ҳамрохон Зарифӣ бо Вазири корҳои хориҷии Ҷумҳурии Исломии Эрон Алиакбар Солеҳӣ баргузор гардид. Ҷонибҳо масъалаҳои рушди ҳамкории дуҷониба, ҳамчунин идома бахшидани ҳамкории тиҷоратию иқтисодии Афғонистон ва Эрон бо ҷалби ҳамтоёни минтақавӣ ва ниҳодҳои молиявии байналмилалӣ ҷиҳати тезонидани татбиқи лоиҳаҳои дорои аҳамияти умумиминтақавиро мавриди муҳокима қарор доданд. Дар ҷараёни мулоқот аҳамияти дар амал татбиқ намудани лоиҳаҳои минтақавӣ бо ҷалби Афғонистон, сохтмони иншоотҳои инфрасохтории байни Тоҷикистону Эрон тавассути қаламрави Афғонистон таъкид гардид.Роҳбарони идораҳои сиёсати хориҷӣ ҳамчунин ба Конфронси вазирони корҳои хориҷии кишварҳо таҳти унвони «Қалби Осиё», ки натиҷаҳои он ба сулҳу суботи Афғонистон таъсири мусбат расонида ва ба рушду густариши иҷтимоию иқтисодии ин кишвар мусоидат мекунанд, таваҷҷӯҳи хоса зоҳир намуданд.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
