Оҳангҳои озарӣ дар Тоҷикистон танинадоз мешаванд
Душанбе, 14 июн. (АМИТ «Ховар», Людмила Дубинина). – Бо даъвати Вазорати фарҳанги Ҷумҳурии Тоҷикистон ва дастгирии Сафорати Озарбойҷон дар Тоҷикистон 15 июн, дар Театри давлатии академии опера ва балети Тоҷикистон ба номи С.Айнӣ бахшида ба Рӯзи наҷоти миллии Озарбойҷон консерти оркестри симфонии «Раст» — и Ҷумҳурии Озарбойҷон баргузор мегардад. Дирижёри оркестр Ходими шоистаи санъати Ҷумҳурии Озарбойҷон профессор Ялчин Восифӯғли Адигезалов мебошад. Дар консерт Ҳунарпешаи мардумии Озарбойҷон Маъсум Исрофилӯғлӣ Иброҳимов ва Ҳунарпешагони шоистаи ҷумҳурӣ Элчин Лезгинӯғлӣ Ҳошимов ва Элнур Оруҷӯғлӣ Аҳмедов ҳунарнамоӣ мекунанд. Дар барномаи консерт суруду оҳангҳои бастакорони Озарбойҷон ва халқҳои дигари кишварҳои аъзои ИДМ танинандоз мешаванд.Дар ин бора аз Театри опера ва балет ба АМИТ «Ховар» хабар доданд.