Омӯзиши малакаи нав оид ба пешгирии ВНМО/БПМН
Душанбе, 18 июн. (АМИТ «Ховар», Дилшодаи Хайруллоҳ).- Имрӯз дар шаҳри Душанбе дар доираи Лоиҳаи муштараки Ташкилоти Байналхалқии Меҳнат (ТБМ), Вазорати меҳнат ва ҳифзи иҷтимоии аҳолии Ҷумҳурии Тоҷикистон ва Барномаи Рушди СММ оид ба пешгирии ВНМО/БПМН (ВИЧ/СПИД) дар соҳаи меҳнат дар мавзӯи «Малака ва дониши нави дастрасшуда дар натиҷаи сафари кӯтоҳмуддати омӯзишии шарикони сетарафа оид ба пешгирии ВНМО/БПМН дар соҳаи меҳнат аз Ҳиндустон» мизи мудаввар баргузор гардид.Мақсади асосии баргузории ин чорабинӣ аз шинос намудани иштирокчиён бо хулоса ва пешниҳодҳои ҷамъбастии ба даст овардаи Гурӯҳи кории сетарафаи Ҷумҳурии Тоҷикистону ТБМ аз сафари корӣ ба Ҳиндустон ва муаррифии Маркази захиравӣ оид ба пешгирии ВНМО/БПМН дар соҳаи меҳнати навтаъсис дар бинои Вазорати меҳнат ва ҳифзи иҷтимоии аҳолии Ҷумҳурии Тоҷикистон иборат мебошад. Бояд гуфт, ки шиносоӣ бо таҷрибаи 10- солаи Ҷумҳурии Ҳиндустон дар масъалаи татбиқсозии Барномаи миллӣ оид ба пешгирии ВНМО ва сил дар ҷойҳои корӣ, дастрас гардидани маводи зиёд дар ин самт ба Гурӯҳи кории техникии сетарафаи Ҷумҳурии Тоҷикистон ҷиҳати тартиб додани Нақшаи кории муштарак ва дар ҳамбастагию ҳамкориҳои оянда бо роҳбарияти корхонаҳои ҷумҳурӣ, ба роҳ мондани корҳои фаҳмондадиҳӣ-профилактикӣ, кӯмак хоҳад кард.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
