Рӯзи хунсупорандагон таҷлил мешавад
Душанбе, 14 июн. (АМИТ «Ховар», Кристина Эрлих). – Имрӯз дар Тоҷикистон Рӯзи умумиҷаҳонии хунсупорандагон таҳти шиори «Қатраи хунат беморро наҷот медиҳад» таҷлил мегардад. Мақсад аз ин чорабинӣ бештар сарфаҳм рафтани аҳолӣ ба масъалаҳои ба таври ройгон супоридани хун аст. Ҳамаи хоҳишмандон аз пагоҳӣ ба Маркази ҷумҳуриявии илмии хуни назди Вазорати тандурустии Ҷумҳурии Тоҷикистон меоянд, ки барои эҳтиёҷмандон ба таври ройгон хун супоранд.Тавре ки муовини директори Маркази ҷумҳуриявии илмии хуни Вазорати тандурустии ҶТ Нуралӣ Ашӯралиев ба АМИТ «Ховар» хабар дод, дар ҷумҳурӣ маъракаи ихтиёран супурдани хун то 21 июн давом мекунад. Ҳар сол теъдоди хунсупорандагон аз 35 то 37 ҳазор нафарро ташкил медиҳад.Имсол ба ифтихори Рӯзи умумиҷаҳонии хунсупорандагон 11 нафар бо унвони «Хунсупорандаи фахрии Тоҷикистон» қадр карда мешаванд.Қобили зикр аст, ки Рӯзи умумиҷаҳонии хунсупорандагон моҳи майи соли 2005 дар ҷараёни иҷлосияи 58 – уми Ассамблеяи умумиҷаҳонии тандурустӣ дар шаҳри Женева тасис ёфта ва ҳар сол 14 июн таҷлил мегардад.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
