Ҳавасмандии ширкатҳои чехӣ ба татбиқи лоиҳаҳо дар Тоҷикистон

Душанбе, 16 июл. (АМИТ «Ховар», Бекназари Абӯбакр). — Бо мақсади густариши ҳамкориҳои мутақобилан судманди итқтисодиву сармоягузорӣ миёни ширкатҳои Тоҷикистону Чехия дар шаҳри Душанбе байни Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва ширкатҳои чехии «FINAPRA a.s.», «PSP engerneinig», «TESTER ČR s.r.o» ва «ČKD Blansko Engineering, a.s.» Ёддошти тафоҳум ба имзо расид.Дар доираи Ёддошти мазкур тарафҳо аҳд карданд, ки ҷиҳати ҷалби сармоягузорӣ ва кушодани хатти қарзӣ барои татбиқи лоиҳаҳои сармоягузорӣ дар соҳаҳои истеҳсоли саноатӣ ва энергетика, аз ҷумла сохтмони заводҳои сементбарорӣ ва НБО-ҳо ҳамкориҳои зичро ба роҳ монанд.Ҳамзамон қайд шудааст, ки тарафҳо дар якҷоягӣ ҷиҳати таҳияи лоиҳаҳои сармоягузорӣ кўшиш ба харҷ дода, онҳоро бояд ба баррасӣ ва тасдиқи Ҳукумати Ҷумҳурии Тоҷикистон ва ширкати “FINAPRA a.s.”, ки маблағгузории татбиқи лоиҳаҳои сармоягузориро ба ўҳда хоҳад гирифт, пешниҳод намоянд.Аз Кумитаи давлатии сармоягузорӣ ва идораи амволи давлатии ҶТ ба АМИТ «Ховар» иттилоъ доданд, ки Ёддошти тафоҳумро раиси Кумитаи мазкур Давлаталӣ Саидов ва директори иҷроияи Ширкати “FINAPRA a.s.” Петер Сирочка, инчунин намояндагони ширкатҳои «ČKD Blansko Engineering, a.s.» — Милан Коуделка ва «PSP Еngineering a.s.» — Владимир Райек санаи 14 июни соли 2012 ба имзо расониданд.