40 шаҳрванди ҷумҳурӣ ҳангоми шиноварӣ ҳалок гардид

Душанбе, 17 июл. (АМИТ «Ховар», Мавҷуда Анварӣ). — Маҳз дар натиҷаи риоя накардани қоидаҳои бехатарӣ ҳангоми шиноварӣ дар дарёю кӯлҳо аз аввали соли ҷорӣ дар миқёси кишвар 40 шаҳрванди ҷумҳурӣ ҳалок гардид. Дар ин бора имрӯз зимни нишасти матбуотӣ Хайриддин Абдураҳимов, раиси Кумитаи ҳолатҳои фавқулодда ва мудофиаи граждании назди Ҳукумати чумҳурии Тоҷикистон ба хабарнигорони ВАО иттилоъ дод.Ӯ ҳамчунин илова намуд, ки чунин ҳодисаҳо ҳангоми шиноварӣ дар ҷойҳои манъшуда ва дарёҳои тезҷараён ба амал омадаанд. Наҷотдиҳандагони касбии кумита дар 272 амалиёти кофтуковию наҷотдиҳӣ иштирок намуда, 834 нафарро наҷот дода, ҷасадҳоро дарёфт намудаанд.