Бозомӯзии кормандони мақомоти ҳифзи ҳуқуқ ва сохторҳои қудратӣ

Душанбе, 24 июл. (АМИТ «Ховар», Мавҷуда Анварӣ). — Дирӯз дар муассисаи таълмии Агентии назорати маводи нашъаовар барои кормандони Кумитаи давлатии амнияти миллӣ, Хадамоти гумрук ва Агентии давлатии назорати молиявӣ ва мубориза бо коррупсияи ҷумҳурӣ семинар оғоз гардид, ки то 27 июли соли ҷорӣ идома меёбад.Дар давоми панҷ рӯз бо кормандони ин мақомот оид ба истифодаи барномаи «Microsoft Office Excel» дар мавриди омода кардани маълумоти оморӣ, барномаи «i2» дар мавриди таҳлили гуфтугӯҳои телефонӣ ва барномаи «Intellect» машғулиятҳо гузаронида мешаванд.