Мақсади лоиҳа-беҳдошти зиндагии аҳолии деҳот
Душанбе, 27 июл. (АМИТ «Ховар», Раъно Нусратуллоева). — Маркази идоракунии лоиҳаи «Рушди деҳот» дар доираи иҷрои қисмати «Идоракунии устувори чарогоҳҳо, заминҳои кишоварзӣ ва ҷангал» як қатор корҳоро амалӣ намуда истодааст,- гуфт зимни нишасти матбуотӣ роҳбари Муассисаи давлатии Маркази идоракунии лоиҳаи «Рушди деҳот» Усмон Сабзов. Аз ҷониби муассиса Лоиҳаи Қонуни Ҷумҳурии Тоҷикистон «Оид ба чарогоҳ» омода гардида, хуҷҷати баҳогузории секторӣ ба Ҳукумати Ҷумҳурии Тоҷикистон пешниҳод карда шуд. 56 адад намоиш дар самтҳои чорводорӣ, кишти алафҳои хӯроки чорво ва беҳдошти ҳолати ҷангалзор дар минтақаҳои пилотӣ гузаронида шуда, натиҷаҳои хуб ба даст оварда шуд.Зерлоиҳаи «Сохтмони хатти оби нӯшокӣ»-и деҳаи Тахти Алиф дар ҷамоати Чашмасори ноҳияи Файзобод мавриди истифодабарии аҳолӣ қарор дода шуд. Бо ба истифода додани хатти оби нӯшокӣ зиёда аз 1300 нафар бо оби тоза таъмин карда шуданд. Ёдовар мешавем, ки Маркази идоракунии лоиҳаи «Рушди деҳот» бо дастгирии Ҳукумати Ҷумҳурии Тоҷикистон ва Бонки Осиёгии рушд соли 2007 оғоз ёфта, мақсади лоиҳа дастгирии соҳаи кишоварзӣ, афзун намудани истеҳсолоти кишоварзӣ, тақвият додани инфрасохтори маҳал ва дар ин замина беҳтар намудани сатҳи зиндагонии аҳолии деҳот мебошад.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






