Занон-кормандони ҳифзи ҳуқуқ бо яроқ
Душанбе, 26 июл. (АМИТ «Ховар», Мавҷуда Анварӣ). – 19 нафар зан-корманди ҳифзи ҳуқуқ аз мақомоти роҳбонӣ, дастаи таъиноти махсуси милитсия, Раёсати кофтукови ҷиноятӣ, Раёсати ҳифзи тартиботи ҷамъиятӣ, Академияи ВКД ҶТ, РБДА, ВМКБ, вилоятҳои Суғду Хатлон ва дигар ҷузъу томҳои Вазорати корҳои дохилӣ тайи панҷ рӯз курси кӯтоҳмуддати омӯзиширо хатм намуданд. Дар ин бора аз Вазорати корҳои дохилӣ ба АМИТ «Ховар» иттилоъ доданд. Тибқи иттилои манбаъ мақсади гузаронидани ин курс баланд бардоштани савияи дониши кормандон ва густариши фаъолияти мақомоти милитсия дар ҳамбастагӣ бо ҷомеа мебошад. Омӯзиши малакаҳои гузаронидани курси услубҳои мудофиавӣ барои занон-кормандони ҳифзи ҳуқуқ аз тарафи занон-мутахассисони Эмерҷенс Груп бо назардошти “занон-кормандони ҳифзи ҳуқуқ дар ҳолатҳои фавқулодда бо яроқ” таҳия шудааст. Иштирокчиён системаи ҷангии даст ба гиребонро дар сенарияҳои ҳақиқӣ ва зери фишор бо нишон додани зарба задан, гӯштингирӣ ва ба таври дуруст мубориза бурдан бар зидди бӯғикунӣ, зарба бо пой ва доштан, амалӣ намуданд.Баъди хатми курси омӯзишӣ ба иштирокчиён барои азхуд намудани мавзӯъҳои муҳими соҳавӣ сертификат супорида шуд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






