Инкишофи қонунгузории замин ва масоили ҳуқуқии он

Душанбе, 24 август. (АМИТ «Ховар», Фотима Қувватова). – Имрӯз бо ташаббуси Маркази миллии қонунгузории назди Президенти Ҷумҳурии Тоҷикистон дар мавзӯи «Инкишофи қонунгузории замин ва масоили ҳуқуқии он» бо иштироки намояндагони вазорату идораҳо ва кормандони илмӣ мизи мудаввар баргузор шуд.  Дар он намояндагони Саридораи геологияи назди Ҳукумати Ҷумҳурии Тоҷикистон, Вазорати мелиоратсия ва захираҳои оби Ҷумҳурии Тоҷикистон, Кумитаи ҳифзи муҳити зисти назди Ҳукумати Ҷумҳурии Тоҷикистон, кормандони муасиссаҳои илмӣ ва унвонҷӯён ширкат доштанд. Дар мизи мудаввар масъалаҳои ҳуқуқии қонунгузории замин аз тарафи мутахассисон ва олимони соҳа мавриди баррасӣ қарор гирифт.