Сафири Япония дар Тоҷикистон: «Ҳамкориҳои Тоҷикистону Япония қаноатбахшанд»

Душанбе, 11 август. ( АМИТ «Ховар», Афшини Муқим¬).- Дирӯз, 10- уми август Сафири фавқулодда ва мухтори Ҷумҳурии Япония Шин Маруо пас аз супоридани эътимоднома ба Президенти Ҷумҳурии Тоҷикистон Эмомалӣ Раҳмон бо намояндагони воситаҳои ахбори оммаи кишвар сӯҳбат намуд.  Сафир аз сатҳи ҳамкориҳои кунунии Тоҷикистону Япония изҳори қаноатмандӣ намуда, таъкид дошт, ки бо истифода аз шароит ва имконоти мавҷуда ҳамкориро дар бахшҳои гуногуни хоҷагии халқ тақвият бояд дод. «Ман ҳамчун Сафири навтаъйини Япония дар Тоҷикистон омодаам, то талошҳои худро дар самти рушди ҳамкориҳои фарҳангӣ, илмӣ ва омсоли ин бо Тоҷикистон ба харҷ диҳам»- таъкид дошт номбурда.