Вусъати ҳамкориҳо бо Хазинаи байналмилалии Асъор
Душанбе, 28 август. (АМИТ «Ховар», Мавҷуда Анварӣ). — Сафири Фавқулодда ва Мухтори Ҷумҳурии Тоҷикистон дар Иёлоти Муттаҳидаи Амрико Нуриддин Шамсов бо мудири иҷроияи (ХБА) Хазинаи байналмиллалии асъор Рене Вебер мулоқот намуд. Н. Шамсов ба масъули баландпояи Хазинаи байналмилалии асъор барои ҳамкорӣ бо Тоҷикистон дар соҳаи рушди низоми бонкӣ ва молиявии кишвар изҳори миннатдорӣ карда, иттилоъ дод, ки чанде қабл Ҳукумати Тоҷикистон барномаи ислоҳотии соҳаи мазкурро ба тасвиб расонд, ки ба кишвар барои дастрасӣ ба захираҳои ХБА имкониятҳои васеъ фароҳам меоварад. Ҷумҳурии Тоҷикистон аввалин кишвари минтақаи Осиёи Марказӣ мебошад, ки чунин ислоҳотро амалӣ намуда, квотаи худро дар ХБА боло бурдааст. Ҳамзамон изҳори умедворӣ шуд, ки Хазина тавассути Намояндагии худ дар Душанбе ба раванди ҳамкории амалӣ бо Ҳукумати Тоҷикистон бо назардошти авлавиятҳои рушди иқтисодии кишвар вусъат хоҳад бахшид. Дар ҷараёни мулоқот ҳамчунин масъалаи ҳамкориҳои дуҷониба мавриди баррасӣ қарор гирифт.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
