Ярмарка- фурӯши маҳсулоти кишоварзӣ дар Қарияи Боло

Душанбе, 16 август. (АМИТ «Ховар», Дилшодаи Хайруллоҳ).- Вазорати кишоварзии Ҷумҳурии Тоҷикистон бо мақсади ғанӣ гардонидани бозори истеъмолии пойтахт бо маҳсулоти кишоварзии нисбатан арзон бахшида ба Иди саиди Фитр санаи 18 августи соли ҷорӣ, соати 8-00 дар назди бозори Қарияи Болои ноҳияи Сино ярмарка- фурӯши маҳсулоти кишоварзиро барпо менамояд. Дар ярмарка кишоварзони шаҳри Ваҳдат, ноҳияҳои Рӯдакӣ, Файзобод, КВД «Саноати паррандапарварии Тоҷикистон», КВД «Моҳии Тоҷикистон» ва КВД «Асали Тоҷикистон» пиёз, картошка, гӯшт, асал, тухм ва меваю сабзавотро бо нархҳои нисбат ба бозор арзонтар пешниҳоди харидорон менамоянд.