Ҳиссиёти авбошӣ тартиботи ҷамъиятиро дағалона вайрон намуд

Душанбе, 27 сентябр. (АМИТ «Ховар», Фарзона Достонзода).- Дирӯз ноболиғон дар кӯчаи Айнии пойтахт тартиботи ҷамъиятиро дағалона вайрон намуда, бо санг шишаҳои нақлиёти мусофирбар- троллейбуси рақами 9, рақами давлатиаш 20-52-ро, ки ба самти Обшорон ҳаракат мекард, зада шикастанд.  Ба иттилои Вазорати корҳои дохилии ҷумҳурӣ, ҳангоми гузаронидани чораҳои фаврию ҷустуҷӯӣ дар ноҳияи Шоҳмансур бо гумони авбошӣ ноболиғон Ҳамид Сайёдович Иқболов, соли таваллудаш 1998, сокини кӯчаи Бинокорони пойтахт, Давлат Арчабекович Ғиёсов, соли таваллудаш 1995, сокини кӯчаи Будённий, Холов Ҳусейн Нозимович соли таваллудаш 1998, сокини к.Шапкин, ва Фирдавс Файзалиевич Раҳмонов, соли таваллудаш 1995, сокини кӯчаи Будённий дастгир шуданд. Ҳодисаи мазкур тафтиш мешавад.