Анҷумани тақдирсоз

Душанбе, 17 август. (АМИТ «Ховар»,Фирӯза Давлатова). — 25 октябри соли ҷорӣ дар Маркази исломшиносии назди Президенти Ҷумҳурии Тоҷикистон конфронси ҷумҳуриявии илмию амалӣ дар мавзӯи «Аҳамияти иҷлосияи таърихии 16 Шӯрои Олии Тоҷикистон дар барқарорсозии давлати дунявӣ» баргузор мегардад.  Мавриди зикр аст, ки баргузории ин конфронс дар доираи чорабиниҳои Ҳукумати Ҷумҳурии Тоҷикистон бахшида ба ҷашни 20-солагии Иҷлосияи 16-уми Шӯрои Олии ҶТ дар назар дошта шудааст. Ҳамчунин ба конфронс мавзӯъҳои – «Иҷлосияи таърихии 16-уми Шӯрои Олии Ҷумҳурии Тоҷикистон ва зарурати омӯзиши вижагии ташаккули давлати дунявӣ дар ҶТ», «Хусусиятҳои идеологӣ ва ҳуқуқии низоми сиёсии дунявӣ дар Ҷумҳурии Тоҷикистон», «Масъалаи машрӯъияти асли дунявият дар андешаи исломӣ» пешниҳод гардидаанд, ки хоҳишмандон метавонанд дар доираи яке аз мавзӯъҳо сухан гуфта, фишурдаи маърӯзаро бо зикри ному насаб ва ҷойи кор то 15 октябр ба Кумитаи тадорукоти конфронс ирсол намоянд.