Меъёри фоизи захираҳои ҳатмӣ 7,0 фоиз муқаррар гашт

Душанбе, 4 сентябр. (АМИТ «Ховар», Покиза Маҳмадбекова). — Меъёри фоизи захираҳои ҳатмӣ барои пасандозҳо бо асъори хориҷӣ 1 банди фоизӣ паст гардида, дар сатҳи 7,0 фоиз муқаррар карда шуд.  Ба иттилоъи хадамоти матбуоти Бонки миллии Тоҷикистон, тағйироти навбатӣ ҷиҳати татбиқи босамари сиёсати пулию қарзӣ ва раванди устувори низоми бонкӣ, бахусус беҳтар гардидани ҳолати пардохтпазирии ташкилотҳои қарзӣ ва то як андоза паст гардидани фоизи қарзҳо нигаронида шуда, ба рушди иқтисодиёти мамлакат бевосита мусоидат хоҳад кард.